GoldenEye North 
Ta orkesterplass når naturen spelar opp til dans! 
På historisk gullgravargrunn og tett på storhavet kan me love ei overnatting og sanseoppleving av dei sjeldne. Me vil gje deg eit minne for livet. Velkomen skal du vera! 
Kvifor besøke stormhyttene på Lykling?
Fyrst og fremst er stormhyttene på Lykling eit overnattingstilbod for deg som ynskjer ei oppleving ulikt alt anna. Plassert i det gamle gullgravarfeltet der Noregs største gullgruveindustri utspant seg på slutten av 1800-talet og rett ved gardstunet til garden Gullvegen Gardstun, med storhavet i vest som nærmaste nabo. 
Utsikta er 360 grader. Her får du dei vakraste solnedgangar og dei barskaste hauststormane tett på. Her dansar storhavet slik berre storhavet kan. Du kan ligge å sjå på havørna som sirklar over området, eller drøyme deg bort når den magiske stjernehimmelen openbarar seg på fine netter. Fint eller stygt vær, - det er uansett ei sterk oppleving å kome så tett på naturen! 
Slik er stormhyttene:
Den runde fasongen er basert på den tradisjonelle iglo- og gammeforma som er blitt brukt av menneske på Nordkalotten i fleire tusen år. Forma gjer at sterke vindkast ikkje finn nokon stad å ta tak, og at vinden dermed glir over. Dekket dei står på er forankra fast i fjellet med stormsikre pelar. 
Dei er laga i spesiallaga, uknuselege glas og med isolert tregolv. Dei er innreia med smakfullt inventar med mål om at du skal få ei luksuskjensle tett på naturen. Her er sjølvsagt varmepumpe for oppvarming på kalde dagar og til kjøling på varme dagar.
Like utanfor finn du eit toalettrom med forbrenningstoalett og pumpevask. Inne i igloen finn du blant anna kjøleskap, kikkert, seng, stolar og Wi-Fi. Alt ligg til rette for ei god oppleving.&nbsp; 
Men den gode stemninga må du skape sjølv! 
Mat/matlaging: Ta med deg ønska drikke og mat. Det vil vere tilgjengeleg grill utandørs. Og innandørs er det eit lite "mini" kjøkken med kjøleskap og vannkoker, der ein kan lage enkel enkel mat og ha oppbevaring av medbrakt mat og drikke.&nbsp; 
NB: Finn du ikkje ønska ledig dato, sjekk ut GoldenEye South

GoldenEye North - Stormhyttene på Gullvegen

Fantastisk

Unikt overnattingssted med fantastisk utsikt over havet og meget gode fasiliteter. Anbefales på det varmeste.

Unikt overnattingssted

Nydelig plass med spennende historie og fantastisk utsikt. Alt en trenger for et avbrekk fra hverdagen. Som å sove utendørs men godt og varmt inne i hytten. Anbefaler en spasertur i området.

Overnatting i Stormhytte Golden Eye North

Flott og godt tilrettelagt "Igloo" med ei fantastisk utsikt. Vi hadde skiftesvis sol og skyer, men var heldig og fekk ein flott solnedgang. Enkelt og praktisk møblert og eit godt tilrettelagt toalettbygg. Her kommer vi gjerne igjen.

GoldenEye North

Fantastisk å vakne så tett på naturen, med regnet plaskande på igloen og vinden som ruska litt tak i oss, samstundes som vi var varme og gode inne. Vel verdt ein tur eller fleire!

Datoer

Sammendrag av bestillingen